منتديات العوامرة - بني رشيد - قصيدة للشاعر مطير فهد الرشيدي بالملك عبدالله

[poem=font="simplified arabic,4,black,bold,normal" bkcolor="transparent" bkimage="backgrounds/27.gif" border="ridge,6,orange" type=0 line=0 align=center use=sp num="0,black""]

اغلي اعقالي من غلايه عقالي=لاهان راسٍ فوق متني يشيله

اغليه والله من غلايه الغالي=لوهو بعيداً بس عيني تخيله

لاغاب عن عيني سكن في خيالي=ون غاب في قلبي عيوني تجيله

وان راح لعيوني تناديه حالي=وان امرح بقلبي عيوني مقيله

اليا سمعته بالنباء ارتاح بالي=واقرب من التلفاز لين استويله

واصغي على يمناي وإلا شمالي=وارفع ايدي لخالقي وادعيله

واطلب من الموالى عزيز الجالالي=يمد في عمره سنينٍ طويله

غيث القلوب اللي يديها خوالي=ونا كما النبته بمدرج مسيله

شمسه تدفيني وسيفه ظلالي=وعينه واري سبورها بالطويله

شجرة دفا وفروعها بالعلالي=الله عنا ظلها لا يزيله

عرفتوا اسمه ياكرام السبالي=مافيه منا بالوصايف مثيله

الله خلق لاكن فرق الرجالي=ماهو سواء لوكلهم من فصيله

يرضيك وان أبيت هذا مثالي=هذا المثل والرجل عقله دليله

فكر وقارن بالحماد الجبالي=والهيّنه تظهر من المستحيله

الله خلق بالارض واطي وعالي=بس الجبل من طوعه ينحنيله

وشعر في أبو متعب تراه يحالالي=لن الشعر ماشاف رجل يحليله

لانه ملك مافيه شك وجدالي=نال الكرامه والوفاء والفضيله

جواب شعري عاجزاً عن سوالي=تجود الالسن والمحابر بخيله

اما شكت وإلا قلمها شكالي=وفي وضعها يحتار من تشتكيله

وبين الهدوء والصمت والانفعالي=شعري تنثر والورق مايشيله

ابيه يحلّي بالبحر من خبالي=بس البحر ماحلته زنجبيله

بس البحور املاح وانت الزالالي=ضاميك تبهج شربته من صميله

كفك نهر شخصك بحر ما يكالي=لن البحر يصعب على من يكيله

مده وجزره مانقصه الخلالي=وقطرات شعري مارفعت عشر ميله

والشعر في مولاي هو راس مالي=لن الشعر ينميه من ينتميله

ونا وشعري له حلال وزلالي=ويفداه راسي دام راسه بديله

وتفداه مع روحي ومالي عيالي=وعصوبتي تفداه هي والقبيله

لن لوفاء براع الوفاء ما وفالي=وانخى الجميل ويستحي من جميله

جودي لمجهودي علي اتكالي=وعذري بماجودي لجودي وسيله

انت الوفاء وراع الوفاء أول وتالي=يمناك ديمٍ وايسرك حنضليله

ياوافي الاشبار صعب المنالي=زبن الدخيل وعوق من تلتوي له

يابعيد في حالٍ وحالاً موالي=لين الصعاب المعضلات تحبيله

تبرك على لاوهاف عقب الجفالي=ومن هيبته تثني ركبها ذليله

يامن حلاك وعلقمك مايزالي=مافي هذا حيله ولاذك حيله

حاليك من ذاقه لقا المر حالي=ومنذاق علقمك احرمه سلسبيله

حاولت انال ارضاك لارضاك عالي=وزليت من متنه وطحت بشليله

وصافحت حبك ياملك وانحنالي=وطمعت في كثره وطحت بقليله

وتقسموه الناس واعز تالي=وقلبي زهد في مقسمه عزتيله

ابي رضاك وحبك اللي بقالي=وبعثرته بدمي لدمي فصيله

[/poem]

الشاعر/ مطير فهد الرشيدي