طاروق قوي بين طارق الرشيدي وذيب الشمري
 

http://1.1.1.4/bmi/bani-3abs.com/uup...75dc005181.jpg


طاروق حدث بين طارق بن نايف الرشيدي والشاعر الكبير ذيب الشمري انقله لكم واتمنى ان يحوز على رضاكم


طارق بن نايف

سـلام رديـة وفـا جتـكـم ولافيـهـا عـيـوب**الطيـب فـي مضمونهـا يـوم الوفـا قدامهـا
ياذيب لامن ضاق صدرك مايضيقن الدروب**دام الـدروب وسـاع والدنيـا تسيـر ايامهـا

ذيب الشمري

يامرحبا ترحيب مثل النفل من بعد الوجوبمن هاجس ن مايجرح العربان يوم صيامهـا
احكامنا تاصلك في لون مثل لـون الغـروببني رشيد اصحابنا وشلـون لـون احكامهـا


طارق بن نايف

دام البقا ياللي تشوف البرق في عرض النصوب**ماهـمـه قـلـوب الـبـشـر لـــو ينـفـجـر صمـامـهـا
وانتـه ليـا عممتـهـا منـتـه عــن الـنـور محـجـوب**جـمـيـع منـظـومـه تـعـبـر عـــن عـقــل نظـامـهـا

ذيب الشمري


ترى العيون تعلم العاقل عن اللي بالقلوب =حنا لنا خبره طويله نحسن استخدامها

تباشرو بالامن كان الامن مطلب للشعوب = والحرب تلحقها خساير ماتعد ارقامها


طارق بن نايف

ياذيب عـن بعـض المعاصـي جايـز انـك ماتتـوب**واهل النظر تعرف صـدوق النـاس مـن ظلامهـا
ياللي تحسب احسابها والناس غالب ومغلوب**انــا اعـرفـك لاشـانـت الاخــلاق تـرفـع جامـهـا

ذيب الشمري

لويحذفون الجمر بالقطب الشمالي مايذوب**واصحابنا قامت تشيل احجام فوق احجامها
بيديني اكبر مشكلـه ترقـع كمارقـع التيـوب**اسـرج الحكـمـه واشــد اعنانـهـا والجامـهـا

طارق بن نايف

يالشمري ياللي تخض الماء تحسبنه يروب**وشلـون تبخـص للعـرب ولاتعـرف اقسامهـا
الحق ماينشاف في عين المنافق والكذوب**واهل العمايم من عمايمها عذاب اجسامها

ذيب الشمري

الجـو هـادي لاتلفـت لاشمـال ولاجنـوب**الارض حنـا عـن طريقـك زايليـن الغامهـا
مابيننا عد الحساني خير من عد الذنوب**واصحابنا نصلح فسـاد اعلامنـا واعلامهـا

مشكور اخوي بدر على نقل المحاوره
الممتعه بنتطار جديدك

يعطيك العافيه على النقل والمتابعه