ذكر علي ... للشاعر / نواف حامد زاكي العويمري الرشيدي
 

’’’ ذكر علي ’’’


ذكر علي اللي خذا القـلب يانــــــاس
الله لا يجزاء من اطراه بالخيــــر
ياللي كتبت اسمه بحبر(ن) وقرطـاس
هو ليه ماسويت حرفين تغييـــر
سببت لي في داخل القـلب هوجـــــاس
الله يعين الــقلب لو زاد تفكيـــــر
يامل قلب(ن) بالهواجيــس غطـــــاس
على وليفلي نحتــه المقاديــــــــر
أبو ثمان(ن) بيض معــدوم الأجنــــاس
اللي عليه يوصفن الغنـاديـــــــر
عزالله انـي عقبـهم ذقت الأتعــــــــاس
وعذبت رجلي في كثير المشاويــــر
وشربت كأس المر كأس(ن) ورى كـــأس
وهلت عيونـي بالدمـوع المعابيـــــر
دمع(ن) تحدر وأنتثر مالــه قيــــــــاس
يشبه مطـر غر المـزون المزابيــــــر
كله من اللــي عذب القــلب يانــــــــــاس
الله لايجــــزاء من أطـراه بالخيــــــر

الشاعر / نـواف حـــامد زاكي الرشيـــدي

صح لسان الشاعر
ومشكور على المشاركة

أشكرك على مرورك الجميل يا أخ بدر ... وأعدكم بالأفضل أن شاء الله