منتديات العوامرة - بني رشيد - محاورة بين الشاعرين سالم ساكر ونور نوران المكيحلي

محاورة بين الشاعر سالم العويمري و نور نوران المكيحلي

سالم ساكر:
يامرحبا بالشاعر اللي يبدع القاف السمين=من هاجسن عز وفخر واللي عقدها يحلها
قولـو لبوعــاصم تقدم ياعســـى ربك يعيـن=في يوم والا في شهر واللي عقدها يحلها

نور نوران المكيحلي:
سجل يابن ساكر على مفلح بوسط اللــــوح دين=يبقى سـنه ولا دهر واللي عقدها ايحلها
فيك البقا واقلط يابن ساكر على العلم الثمين=من هاجسن مصدر بحر واللي عقدها ايحلها

سالم ساكر:
الله يسلم صاحبي والدرب الايسر والايمين=احذر منه واخذ الحذر واللي عقدها يحلها
شعــــــارنا يانور ابن نوران فـــــوق الاربعين=واللي زهمته ماحظر واللي عقدها يحلـها

نور نوران المكيحلي:
السن حقه سن وايضا العين حق العين عين=نبى انتوسط وانعبر واللي عقدها ايحلها
ماني مـحامي للقـروب ولالك ابمخباي دين=كلن واله وجهت نظر واللي عقدها ايحلها

سالم ساكر:
الناس ماتبغى الحقوق اللي بها علمن يدين=مدامها واحد صفر واللي عقدها ايحلها
اســـمك كتب بالوح الا يانور ضمن الاولين=عندك ترى علم وخبر واللي عقدها ايحلها

نور نوران المكيحلي:
الـحق يارجــــال حق ونوب قــطاع الوتين=اللي بقى ميت نفر واللي عقدها ايحلها
البنت والرجال فيها بالعشاء متشاركين=كلن يبى قطف الزهر واللي عقدها ايحلها

سالم ساكر:
اليانحت انحت حجر والدرب درب الغانمين=والعسر من بعده يسر واللي عقدها يحلها
السالفه هذي عســــاها تزين والا ماتزين =من بدو والا من حضر واللي عقدها ايحلها

نور نوران المكيحلي:
سالم يسلمك الولي جعلك من اللي سالمين =يسرين مع واحد عسر واللي عقدها ايحلها
الــيا نزلنا ياعميلـي الخــــير بارض الــــــرافدين=وفـيـــــت وابـذبــح نـذر واالي عقدها ايحلها