منتديات العوامرة - بني رشيد - بني رشيد لهم تواريخ وافعول للشاعر صالح معينان

بديت ذكرالله قبل كل ما قول
اللي اعباده سجدً يطلبونه

وقلبي اللي من معاليه متلول
من الهجس والهاجوس كثرت اشطونه

قمت اضرب الافكار بالعرض والطول
مثل الذي وده يخلص ديونه

ياحول يامقشر بعض ناس ياحول
رايً يخالف رايهم مايبونه

ناسً سوالفهم مثل هول ابالهول
معهم صحيح وكذب ويجمعونه

ياللي تعد الاصل وتقول وتقول
مافات فات وراح ولاتبحثونه

من دور الجره بعد دورة الحول
مثل الذي بيديه يطرف عيونه

لياصار منت بكشف الاسرار مسؤؤل
اسكت وخل الناس كلً بشونه

افطن ترى الدنيا بها عقوود وحلول
وترى العرب كلً يقدي ضعونه

صك الدريشه واقفل الباب بقفول
من طاح وسط القوم مايرحمونه

مثل المريض اللي عن الناس معزول
مرض عوافي والعرب مايبونه

لوهو مريض يحط بالعين سملول
واهل الحسد والكبر مايطلعونه

ويسحن معه شبه وحتليت مدبول
هذا كلامي والعرب يفهمونه

هرج السعه مثل اكلة الخبز والفول
هذا الصحيح ولال عينك مهونه

حنا عيال الزول وانشد عن الزول
ان رحت باقصا عبس وان جيت دونه

بـني رشيـد لهـم تـواريـخ وفـعول
والناس راع الطيب مايجحدونه

يوم الجهل ركبو على هجن وخيول
عدوهم يكسب وهم يكسبونه

ووللجار وايضا الضيف بالطيب مكفول
ومن لاذ وسط ابيوتهم يزبنونه

إن قـالٌ وان مآقال وٌن قلت ابقول
عدوهم يوجع بقلبه اطعونه

واليوم حكم وعدل والسيف مسلول
بيمنا هل العوجا على من يخونه

لعل حكم الخير والعدل مايزول
اخوان نوره حدهم يحتمونه

وصلو على اللي بعث للخلق مرسول
محمد نبيً وامته يتبعونه
وجهة نظر

للشاعر/صالح عبدالله الرشيدي الملقب بأسم-معينان-رحمه الله
تاريخ الميلاد 1344