محاورة بي الشاعرين عويض العويمري وسعود العجوني
 

[poem=font="tahoma,5,darkred,bold,normal" bkcolor="white" bkimage="http://www.al-awamerah.com/vb/mwaextraedit4/backgrounds/17.gif" border="ridge,2,darkred" type=0 line=1 align=center use=ex num="0,black""]

[عويض]

سلام الله سلام الطرقي اللي كل يوم بدار=على الحضار والغايب يقولون العرب معذور

الا ياسعود ابن عجوين لو تعلم عن الاسرار=وتدري وش وراء حدب الضلوع وتكشف المستور
----------------------------------------------

سعود العجوني

الا يامرحبا ترحيبتن تشعم لهيب النار=بوجه الطرقي اللي خاطره بين العرب مكسور
عسها علوم خير اخلص وعلمني وش اللي صار=جب العلم المباح ولمح الليله عن المحظور
----------------------------------------------


عويض
عسى نارك بوجهك ماخبر بيني وبينك ثار=ابيك بلازمن ياسعود لاوفيتبه مشكور
علومي دق سلف ولا تروح ايمين والا يسار=تعال ولا وصلت اعلمك والعلم مثل النور
----------------------------------------------


سعود العجوني

انا ماودي افضح سرك الليله مع الحضار= ولاكن قصر ألسانك يابو سامي بدون اقصور
ليا جيتك حضوري ياعويض يلفت الانظار= اخافنه يشك بوضعك الشاعر ولد منصور
----------------------------------------------


عويض

تدور لو تدور مانت لاقي غير عز وكار=وهاذي حليت العاجز وشوفك يارجل معسور

علامك كنك الفراع بلسانه على المظهار=تناطحنا بصياحاً مايغفر الذنب يادكتور

----------------------------------------------

سعود العجوني

عزومك. ماتشيل الحمل لون العلوم اكبار= قضى عمرك خساره لاهدمة ولا بنية السور

لو اقابلك وجه بوجه قمة اتكثر الاعذار = عسى ربي يعوضك بالحيا يالوادي المدهور

----------------------------------------------

عويض

عزايمنا قويه مايطيق حمولها سنجار=تحت رحمة هل الحره تحت رحمة هل العثمور
ليامنا تقابلنا تبي تبرك على المظمار=لون الصووط يجلد فيك يازينك على الباكور.
----------------------------------------------

سعود العجوني

رداحظك هل الطولات عندك مالهم مقدار =ردي الحظ لامنه شهد جاب الشهاده زور.

طيور اغضي ياعويض ماترفع حاجب الصقار=فعايلها رديه لو تسميها الرجال اطيور
----------------------------------------------

عويض

عليك الوم بولها وتاليها يابو مختار=لونك لقمتن سهله ولا يبلش بها الحنجور

اشوفك تظرب الامثال كنه ماعليك غبار=وخلق الله يعرفون العيون الصاحيه والعور
----------------------------------------------


[/poem]

شكرا لك يا بدر على النقل الرائع

صح لسان الشاعرين وشكرا لك على النقل