منتديات العوامرة - بني رشيد - قصيدةالشاعرناصرخلف محمدالجابر ومردشاعرالباديه/صالح معينان الرشيدي

*هذه القصيدةمردشاعرالباديه/صالح عبدالله العويمري الرشيدي المعروف بااسم معينان
على قصيدةالشاعر/ناصرخلف محمدالجابر{ياعشير المغانيم}

بديت ذكر منزل النون والميم
فرد صمد معطي العطايا الجزيله

قسمت أفكاري على الشعر تقسيم
أخذ سمين الهرج وأترك هزيله

شكواك صحتني وأنا غافلً نيم
وتواردن بين الزميل وزميله

وادي الرمه مايبلشه وادي غنيم
العلم واسع والليالي طويله

ما أحلل اللي فيه با لكتب تحريم
اٍن قلت واٍن ماقلت بأيت وسيله

تبطل صلاة الرجل من دون تقويم
يركع ويسجد مير وشو حصيله

أناعرفت الجدي من دون تنجيم
ولا ني منجم بين عدله وميله

الناس وسط النار طشوا ابراهيم
برد وسلام النار والله وكيله

من خلقت الدنيا نصر ومهازيم
ماداومت لمسنعين الدبيله

قسمتهن ياصاحب العرف تقسيم
وخلك تميز دقهن والجليله

واليا قريت الدرس تلقابه الجيم
واشرب طراة البن وترك حثيله

لاتبتلش بمكبرين الجراهيم
لوهو قريب منك تخلي سبيله

يابن خلف الحين من دون تعليم
الناس يبلشها خطاة الهميله

اليالزمت ياصاحب العرف تلزيم
انتوا على الحايط شيوخ القبيله

بعض العرب ياتيه بالفكر توهيم
شاف السراب وراح ينثر صميله

لو هو رجل بالمعرفه عدة بهيم
عند الرجال الطيبه وش يجيله

ترى الصحيح صحيح ماهي هذاريم
وكل على ماقيل عقله دليله

والمشكله لو انت مسكين ويتيم
لازم تذوق الحنظله والمليله

والرجل ما يصبرعلى الجور والضيم
ومن جار فيه الوقت وعز تيله

واٍن طعتني جنب عن عصام وعصيم
خلك على جيبك وثبت مديله

الناس لا تكتب على الجيب تعميم
تحل عقد وعقد ما فيه حيله

والفرض خله بس ركعه وتسليم
والوتر مثله ركعه وتهليله

اقبل نصيحه من يعلمك تعليم
يابن خلف تري السلامه فضيله