عسى من يلوم محب بالحب يبلى فيه

عسى من يلوم محب بالحب يبلى فيه

[poem=font="simplified arabic,4,black,bold,normal" bkcolor="white" bkimage="" border="outset,4,gray" type=0 line=0 align=center use=ex num="0,black""]
عسى من يلوم محب بالحب يبلى فيه=تصيبه عنوداً فيه وتروح منصابه
تصيبه بعينٍ سهمها فيه مايخطيه=تجيده عفيفه عرض ماهي بنصابه
غلاها لينه نام من مرقده يوعيه=يقف حارسٍ من دون نومه بمشعابه
غلاها يعصر القلب ويجره ويلويه=سراء سم ثعبانه عقب ماغطس نابه
يبي نومه الاول ونومه عنه حاديه=هجوسٍ كما الحراس من دون بوابه
مثل مايبى القاتل عن القتل من ينجيه=وعطاه القفاء والسيف ممسوكن انصابه
يذوق الغرام اللي بغيره سواته فيه=أبي ماضحكه بالمبتلي يبكي انصابه
لياغاب من يغليه ضاق الفضاء بغاليه=يشوف البشر بعيونه اشباح وذيابه
ليا سمع وسط الناس له واحداً يطريه=كظم كأنه المضروس مايبرم الجابه
يخاف الكلام وسج فكره عن محاكيه=وهو حاله اله تقول طاريه وش جابه
يخاف العواذل تبدي السر مايبديه=بخيصٍ بحساده وحذراً من اصحابه
ربيعه نهاراً تمشي الرجل في واديه= يطيب المنام بوسط جواً وطى ترابه
لياذعذع الغربي تقول انه يناجيه=يجيب النسيم عصير من ريحة ثيابه
رجاه الأمل في ساعةٍ بالخلا يفاجيه=نهارً حسوده منتحى والله انحابه
قبل ما يحيي فيه هلا وحياء فيه=تعجّل من الفرحه وهلا وحيابه
واخذ ساعةٍ وايديه مشبوكةٍ بيديه=تلواء القلوب ودمع الاعيان صبابه
لقاء الرائم المريوم طاويه ماطاويه=سطابه هيام وهم وريامه اسبابه
ترى للهواء تأثير ياللي جهلتو فيه=مقابر هله من عدها ضيّع احسابه
عسى من يشوف المبتلي فيه مايكافيه=يجيه بنهاراً يلمسه رأس مخلابه
وانا قد صدفني مره وقلت له يابيه= وقف والتفت قال أحسن تقولي يابه
وعمدني وشدعيونه وطرمن ذنيه=وضربني برمحه وانكسر والله أخطابه
[/poem]

الشاعر/ مطير فهد الرشيدي