فيصل الخياري وفارس العجمي القب فارس الحرف

فيصل الخياري

ياســـــلام الله على ناظــــــم حـــروف الابجديه = ان قــــراها بالحــــــروف وان بغــــاها بالكتـــــــابه

انت فارس جيت من اي البيـــــــوت الا نســـــبيه= ميــــــر حي الله غـــــــريب الدار في رجال الغــرابه

فارس العجمي


مرحبا في مرحبا باللي مواقفها نقيه
عد نسناس الهبوب وعد همال السحااابه



من بيوت الطيب واهل الطيب ورجال الحميه
وانت في دار الرجال اللي لها قدر ومهااابه


فيصل الخياري

البقى باهـــــل الفخر والطـــــيب ورجــــال الابيه = يوم جينا في ربــــــوع الــــــدار اصبــــحنا قرابه

مير عـــــطني عن عــــلوم القــــــوم اخبار اوليه = من حساب الطيب الاجل الطيب مايصرف حسابه

فارس العجمي
يالخياري قالو انك بين داب وبين حيه
السهل حيته تزحف والجبل مامات دااابه

الطريق اللي سريع وسايده روح وجيه
احترص منه تراه احيان فيه الانقلابه

فيصل الخياري

ان بغيتــــم ســـــم داب وان كلــــيته لحــــم نيـــــه = والاصبــــع تختـــــلف ماهي على اطــــول اسبابه

مير انا بضــــويك عن نار العـــــــرب والنار حـــــــيه = ماني ضيـفن في بيـــــوت النـــاس ســـــواله كآبه


فارس العجمي

حاول انك ماتشط من اللحون السامريه
ويش قومك تلعب المنكوس مع صوت الربابه

انت ودك مار حر الشمس ماهو برد فيه
مالقيتم فالليال التاليه كون الحرااابه

فيصل الخياري

نسحب المسحــــوب للمنكـــــوس ونخــــلي الدنيه = ونعــــرف النهج الصريح ونعــــرضه لؤقر آدابه

مالقيت الحســـنه اللي تنكـــــتب في ظــــل سئيه = وان لقـــــيت المخفي اللي انستر ارفع نقــابه

فارس العجمي
وش تحصل يالخياري غير نكبه عالميه
لا تجي قدم العيار اطيح ويجي فيك اصااابه ههههههههههههه

جيت امدك وارفعك مخلص مع الناس الغنيه
قول لي ياعم شكراً لا تسويها طلابه


فيصل الخياري

لو يمسك الخيــــاري رحت اطراف القضيه = يمكـــن انك غيــــر توكل محـــــامي بنيابه

الخيـــــاري بالمقام الصعـــــب مايترك خويه = يصدر الامر الاخير ابدون الايعرض رقــــابه

صح الله لسانك محاورة رااائعه