تاريخ عبس

السلام عليكم ورحمة الله وبركاته
هذه قصيده بعنوان "تاريخ عبس" للشاعر حمد هديرس العويمري
قصيده اعجبتني لأنها تحمل معاني عظيمه ودلالات تاريخيه لقبيلة بني رشيد

[poem=font=",5,blue,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
استلبسيني ياجنون العياطير=قبل اتلبس فيك وتزوغ الابصار
يشوش راسي لانهذب جيشنا يغير =انا اشهد انه بلغة العمر لا غار
في ديرة اللي يحتمون المضاهير=اللابه اللي تكرم الضيف والجار
ميدانهم ما هو من اليوم وعصير=الا امتداد لورثنا عز واشعار
تاريخنا يشهد له المجد تقرير=ولفعالنا في صدر الامجاد تذكار
حنا هل الفزعات وقت المعاسير=حنا هل العادات وافين الاشبار
بني رشيد اللي تهز الطوابير=احرار نسل احرار من ماكر احرار
من ساس عبس نسطر المجد تسطير=منهم ورثنا العز والجيش والدار
تشهد اصايلنا بنات العصافير=شقران مع ريمان للعز مضمار
واعظم وسم كفة بني عبس تقدير=بورك الذلول يمين يشهد له يسار
وتشهد منازلنا بروس العثامير=دارن حميناها على قب الامهار
في مجدها غنوا كبار الشواعير=عنتر يخلد ذكرها بم الاشعار
بذكر اللكيك يوضح القصد ويشير=لذات الحرامل يكد السيل حدار
هذا الاكليل اليارقوه المداوير=قصو مسيله للحرامل بالأنظار
وأيضا الثمد صوره بالبرق تصوير=وضح مراتع دار حسكات الاوبار
واذكر علم عبس المسماه تفسير=في قمته مقبور عنتر بالاذكار
والنابغه غنى بها وعقل العير=اللي احتموها عبس في حرة النار
هنا مضارب عبس ماهي باساطير=هذا الصحيح وعين عمار بالنار
والحق تشهد به رجالن مناعير=اللي لهم بالطيب مارد ومصدار
وللسب والتقطيع مافيه تبرير=الا الرخم تشره على ماكر احرار

[/poem]

صح الله لسان الشاعر حمد هديرس العويمري
ومشكور أخوي عبدالله على النقل
بيض الله وجهك

قصيدة جزلة من شاعر جزل

وشكرا لك اخوي عبد الله على النقل

بانتظار جديدك

صح الله لسان الشاعر حمد هديرس
قصيده جزله من شاعر جزل
سلمت يمينك أخوي عبدالله

لاشكر على واجب وبيض الله وجهيكم

صح لسان الشاعر ولاهنت على النقل