غر الامزان

[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
اول بدا باللي فرض خمس الاركان=الواحد المعبود جلا جلاله
كاتب مقادير الخلايق والازمان=حافظ كتاب الخلق قبل الرساله
مالك ملوك الكون في غيب الاكوان=سامع دبيب النمل في سر حاله
سبحانه الفرد الصمد عالي الشان=نطلب رضاه ونتقي في ظلاله
عرشه على سطح البحر فوق الامتان=نوره يشع ورحمته من خصاله
ناصر عصا موسى على كل طغيان=فالق بها بحرٍ يروع خياله
امقسم الارزاق من غير نقصان=باسط يمينه والعطايا جزاله
مرسل رسول الحق للأنس والجان=صلاه ربي يوم كمل كماله
رضي على الاسلام عن غير الاديان=وهيمن كتاب الله يثبت مقاله
هدي العقيده خير من كل عصيان=واهل الذكر تفرح بهدين سعاله
بسمه حفظت النفس من كل شيطان=وبسمه نشد الحبل فوق المحاله
فكري معي والعلم من فوق نيشان=والطيب يدرج لاندرج في مجاله
عز المراجل تفرق افلان وفلان=وتضهر كريم النفس من طيب فاله
هذا حسب فكري ولافيه بهتان=نعطي حقوق اهل الشرف والشكاله
بعض النفوس تضيق من هرجه اللسان=وبعض النفوس تشوم هرج الجهاله
دار الزمن وانا على باب نسيان=وصحيت مثل اللي يدور عياله
قمت اتذكر ونشد الناس بلشان=مثل الكسير اللي يصوت لحاله
دنيا غريبه هزت اشناب شجعان=خلت عزيز القوم بين الحثاله
دارت رحاها ونهزم كل بطران= والوقت مال وميلته من حواله
شمنا من الدنيا مثل طير حوران=وشمنا عن اللي راضين في هباله
شفنا وعفنا بين رابح وخسران=وضاع الفكر والعلم نلقي بداله
راحت علينا بين اشكال والوان=كلٍ مع البيدا يدرهم جماله
حللتها مابين راضي وزعلان=وزريت افهم من يطوي حباله
راحت رجالٍ توفي احقوق شمان=وشفنا رجالٍ ما تحب الجماله
ناسٍ تشوف الحق والحق برهان=وناسٍ تصد ولاتجاوب سواله
احدٍ رضا والعلم مافيه نكران=واحدٍ تحدر يوم شاف العداله
يقطعك ياللي تجلب اعلوم عميان=ويقطعك ياللي مايزكي حلاله
احدٍ يصون الهرج ويقض الاعيان=وحدٍ يحد الموس كذب ورذاله
ان قالها الله يرتوي كل ضميان=ونسقي نفوسٍ ماتعرف البطاله
عندي لاهل الطيب شكرٍ وعرفان=تقديرهم محفوض حق وزماله
وعندي لاهل الشر نارٍ ودخان=يرضون بالقسمه وشر وعطاله
الحق حق وعارف الحق فهمان=تعرف يمينه قبل مدت شماله
ان كان تبقها ترا الطيب عنوان=الحق يرضي كل من هو عناله
كتبتها من فكر راضي وهيمان=وبدعت فيها يوم بين هلاله
حفضتها مثل الخوي بين الاخوان=قلبه نظيف وطيبته راس ماله
صفيتها مابين لولو ومرجان=وزان الشعر في قافي اللي صفاله
هذي من امزون الحيا غر الامزان=تبرق وترعد فوق روس الضلاله
خذيت فن اللحن من عذب الالحان=وقدمتها للي يبهر دلاله
سطرتها يوم القمر بالسماء بان=وسريتها مع فكري اللي طراله
العز عز وطيب الراس ضرمان=والحق يوفي كل رجل وعماله
وختامها صلو على خير انسان=محمد الهادي كريم السلاله
[/poem]

صح لسانك ياعواد على القصيده اﻷ كثرمن رائعه

صح لسانك يشاعرنا الكبير عواد

وبيض الله وجهك على القصيدة الجزلة

بانتظار جديدك من القصايد القادمة

الــحـــق حــق وعـارف الـحـــق فــهــمــان ***تــعــرف يـمــيــنـه قـبـل مــدت شــمـالـه

ابيات من ذهب

مبدع دائما بقصائد الجزلة

بانتظار الجديد من القصايد الجزلة

تحياتي لك أبو سامي

صح لسانك وبيض الله وجهك على الابيات الجزلة

صح السانك عواد علا القصيده الجزله
والابداع الشعري الواكي

صح السانك يا عواد

ويعطيك العافيه يا شاعرنا الكبير اوبيض الله وجهك

صح لسانك يامبدع ولاهو مستغرب منك الأبداع
شاعر تغّرف من بحر وتنحت من صخر
أبيات من ذهب من شاعرنٍ جزل كل بيت أفضل من البيت الاخر

عــــــز الــمــراجــل تـــفـــرق افــــــلان وفــــــلانوتضـهـر كـريـم الـنـفـس مـــن طـيــب فـالــه
صح لسانك
وونتظر قصايدك الجزلة

صح لساااانك ولاهنت

صح للسانك يابوخالد ولاهنت