شاعر الحره ماجد ساكر وزايد ابن عدله

طاروق بمعنى الكلمه بين الشاعرين المبدعين الشاعر ماجد ساكر (شاعر الحره) والشاعر زايد ابن عدله


زايد ابن عدله

الليله المعنى على ساقه والغيب ما أحد" كاشف" سره
هذا اتحاد الروس ياماجد والروس يبطي من تحداها
القنبله ثارت من قريب واخاف بكره تحرق الحره
جانا الامام وقال ابى أصلي ليته صلاواته ماصلاها

شاعر الحره

الليله المعنى كما الطرقي يمشي وياخذ باالدير فره
وان مر ديرة متعبين الخيل ايقيم فيها مايتعداها
والقنبله لاثارت امن اضعوف ماتحرق الا تابع الجره
ماهي قويه مالها تاثير على ذيابن تسمع اعواها

زايد ابن عدله

اليا دخلنا البيت مع بابه من حنكتي خيره كفا شره
حدد مكان الجرح والعله وأنا أعرف اصرف جرعة ادواها
مايقدم امن القوم ابن رمه لو تطغي الحلوه على المره
ابلشتني فيها يابن ساكر وألا حرام" ماتبع ارضاها


شاعر الحره

انا ترا باالماقف الغصاب الي يحاول ضري اضره
والعله الي طبها موجود ماتعتبر عله بمعناها
وانا عليكم ماارضي المنقود من صوب قحطان وبني مره
وامسك لسانك ياولد عدله زلتك هاذي مابغيناها



زايد ابن عدله

مالي دخل في عنتر العبسي لو قالوا ان أمه ماهي حره
واليا ذبحت الشاه ياماجد قسمك نصيفتها مع اشواها
ماقلتها ألا واثق" منها ليته سكت مافتش الصره
وانت تعرفه زين ياماجد غيره رجال" تكرم اللحاها


شاعر الحره

يابلشتك ياالحر ياابن الحر في عالمن تسمع دبا الذره
وياكم سواليفن نمشيها وندفها لو طال ممشاها
وان كنت متحسف على مافات وتقول ليت الصوت ماجره
اقول فعلك طيب يازايد والطيبه محد ايترداها


زايد ابن عدله

الجرب لا زاد الجرب فيها يطلونها بالزيت والجره
وأهل العقول الراجحه ندري ما انته مغير شي بأرياها
ماني بمتحسف ولكني ماودي انك تعاود الكره
يضحك بوجهك وان مشا منك حول عليك الدلو برشاها



شاعر الحره

تبغا الحقيقه من فصيح السان سوالفك باالحيل مفتره
اتقدم اخرها على اولها وارجولها اقصر من ايداها
والحر ماينظر بعش البوم ولا يشكك فيه باالمره
وهاذي سحابة صيف وتعدي ماهمنا لو ينتثر ماها"



زايد ابن عدله

أنا يتيم الطبع ياماجد ما أبكاني ألا محمد الدره
وان كان بك رحمه وماويه نفسي لبسها العنف واعماها
من لا يعزك ياولد ساكر وره من اللي مايبى وره
وأحذر تقفا اليا احتمى الماقف ارجالها اللي كنها انساها

كلهم شعار ونعم فيهم وماقصرت اخوي على النقل.