جديد الشاعر عقيل بن عوض العوبمري إهداء الى عبدالكريم خضير الرويضي

[poem=font=",6,black,bold,normal" bkcolor="white" bkimage="" border="none,4," type=0 line=0 align=center use=ex num="0,black""]

انشهد وان كان للطيب رجال=ان ابو نايف واحدنً من رجاله
اشهد شهادة حق والصدق ينقال=باللي وفاء طيبه على كل حاله
رمز الكرم والجود مضرب للامثال=هداج تيماء ما يبيله مساله
غيثنً مريـنً صادق الوبل همال=منه اقتبس طيبنً بوصف وجزاله
عبدالكـريم خضـير في كل الاحوال=هو عون من حده زمانه وجاله
فيه الشعر تفخر بيوته وينقال=باحساس شاعرها ليامن قاله
حيث انها في من له المدح يجتال =في صادق التعبير خط الرساله
مشاعرنً واحساس في طيب الفال=عبدالكريم اللي قليلن امثاله
فوق الخيال وما يتصور على البال=اللي بفعل الخير كلن دعاله
له موقفنً ما انساه باقي ولا زال=اتذكره به طيب الله فاله
عبدالكريم معرب الجد والخال=الطيب ساسه من عمام وخواله
وابوه قبله بالوفا ماض الافعال=خضير بفعوله تفاخر عياله
[/poem]


الشاعر/ عقيل بن عوض العويمري

صح لسان الشاعر عقيل عوض العويمري

ويستاهل المدح عبدالكريم خضير الرويضي

وشكرا لك يابو زياد على النقل

ابيات جزله من شاعر جزل
صح لسان الشاعر عقيل العويمري
ويستاهل المدح عبدالكريم الرويضي
وبيض الله وجهك على النقل يابو زياد