مجبور{ يالصوره } أداعب جمالك

تقــــول يا حبيبي دعــاني خيــــالك .. أبيك تشْعر بي إذا تْمـــــوت فيني
أبيــــك ترْسم روْعتك في ارْتجالك .. حرِّك بي احساس الوله يا ظنيني
واقــول عفْوا يا معـــالي جــــلالك .. أقْصى طموحي بسّ لـوْ تفْهميني
مجبور{ يالصوره } أداعب جمالك .. واذوب مـــابين الْوَهَمْ واليقيـــني
يا ملْح كـــل الكون حــاسِب دلالك .. لا تفْتــري .. وِ تْلوم قلبي وعيني
قادَتْني دْروب الهـــوى للمهـــالك .. أشــواق روحي تَرْجِمَتْهـــا يديـني
يا طيف غيمه لوْ تعَــذَّر وِصـــالك .. بسّ افتحي باب السما واحْتريني
بجيك مثل البرْق في ليـــل حـــالك .. وارْوي بك عْروق الظّما صدّقيني
للحب في نبْضي جُيوش وْ ممالك .. لا جيت كلّي يالغـــــرام احضنيني
مابين أنفــاسك وكلمة { أنا لك } .. تضيع من عمري مــواجع سنيني
ما عــــاد يِطْفي لَهْفتي إبْتِهــــالك .. بعيش ليـــله وانْ طِمِعْت اذبحيني
ملّيت من { يا عزْوِتي كيف حالك } .. حالي يقوله ما ظهر من ونيني
مافيـــه مــن يمْـــلا عيوني بدالك .. عيشي محطّــــاتي فَرَح واحْتويني
فزّيت لك يــوم ٍ طرَقْني ســــؤالك .. رِدّي عَلَيّ { مْوافِقَه } واسْمعيني
بقـول شيٍّ ما طرى لك في بــالك .. والْبس معك ثوب السّعد يا حنيني
صوت البيات اللي تغنّى فْـ خِصالك .. أسْقـــــاه جنْدول الصِّبـا دمْعتيني
يسْكَر على نبْع الحيـــا من زلالك .. ويْصيح باعْلى الصوت لا تتْركيني
معْزوفة احــزان وْعلى رغْم ذلك .. بَرَقِّص احْساسك طرَب لو تجيني
انا معــــاني خَصَّها طيب فـــــالك .. مِـــدِّي كُفُـوف الطيب بينـك وبيني

مشكور اخوي نايف

مشكور اخوي نايف