الشاعرمعينان القاف من غاية ضميري بنيته-يبقى مع التاريخ مثل الرسومي

بديـت ذكــر الـلـي بعـفـوه رجيـتـه
اهـو الكريـم اللـي بعبـده رحـومـي

غنيـت يــوم صفـيـط دربــه لقيـتـه
واليا نشدوني قلت رحت معزومي

ديـرة رجـال شيـوخ مـا هـو نبيتـه
يوم العرب صـولات قـوم وقومـي

جابـر مبـارك كـنـه بسـمـة نخيـتـه
يبـدي التحيـة قـبـل يـأخـذ علـومـي

والظاهـر إنـي بالـردى مــا هقيـتـه
إبـن مبـارك جعـل عمـره يـدومـي

مهيمـزي والـكـل يـعـرف بصيـتـه
احسب حسابه مـن رجـال قرومـي

مهـامـزه عـلـم الـشـرف محتمـيـتـه
إليا صاح صياح العرب قام يومي

جابـر علـى وقـت اللـزوم أمتنيـتـه
وإلا رجـال الكبـر عنهـو نشـومـي

كـبـار النـفـوس قلوبـهـم مستمـيـتـه
الـلـي معرفتـهـم تجـيـب الهمـومـي

وبيت الردى من خلقتي ما نصيته
غير الرجال اللي تعرف السلومـي

والقـاف مـن غايـة ضميـري بنيتـه
يبقـى مـع التاريـخ مثـل الرسومـي

شعر النبط من خلقتي ما اشتريتـه
درستـبه وأخــذت رخـصـة عـمومـي

ومن يفعل المعروف أنا ما نسيتـه
وحلفت انـا باللـي ينشـي الغيومـي

سبحان من بأمره وحكمه رضيتـه
اللـي فـرض للعبـد حـج وصومي


الشاعرصالح العويمري الرشيدي الملقب باسم معينان رحمه الله

قصيدة جزلة من شاعر جزل

صح لسان الشاعر صالح العويمري الرشيدي رحمة الله
بيض الله وجهك على النقل بانتظار جديدك من الابداعات القادمة

بيض الله وجهك على النقل بانتظار جديدك

سبحان من بأمره وحكمه رضيتـه=اللـي فـرض للعبـد حـج وصومي


الله يرحم الشاعر صالح معينان
ومشكور على النقل اخوي عبدالله

كل الشكرلمروركم