قصائد الشاعر معيتق عبد الرحمن العويمري

السلام عليكم ورحمة الله وبركاتة
أرجوا من أخواني الأعضاء والشعار ومتذوقي الشعر حصر قصايد الشاعر الكبير/ معيتق عبدالرحمن
وهذي القصيدة آمل أن نتال إعجاب الجميع

بـتـدي فــي ذكــر عــلام مــا تـكـن الـقـلوب ... قــــادرٍ تــقــدر عــلــى كــــل قـــادر قــدرتـه



وإن شـغلني هـاجسي بـالعجوب وبالغضوب ... راضــي(ن) بـأمـر الـمـهيمن وراض(ن) دبـرته



وارســل أفـكاري مـع الـوقت والـدنيا الـلعوب ... واســتــمـع والــوقــت أدوّر نــــوادر عــبـرتـه



والــحــوادث والـتـجـارب وســاعـات الــكـروب ... تــعـطـي الـقـلـب الـلـبـيب الـعـبـر لا مــرّتـه



والـبـشر بـالـوقت مــا بـيـن غـالـب وامـغلوب ... والـلـيـال احـــد(ن) تــسـرّه والآخـــر ضــرّتـه



والـرجـال احـزامـها الـصـبر حــزات الـصـعوب ... وكــــل صــابـر بــشّـر الله بـسـاعـة نـصـرتـه



ومــن تـرجّـى الـعـز مــن غـير عـلام الـغيوب ... يـونـس الـنـقصان وان مــات مــات بـحسرته



يـــا نـواطـيـر الـحـسـد يـــا مــدوّرت الـعـيوب ... مــــن تــتـبّـع غــــرّة الـخـلـق تـتْـبـع غــرّتـه



كــل مــا يـعـمل ابــن آدم بـدنياه امـحسوب ... الــعــتـاد اثــنـيـن والــحـبـر تــحـفـظ جــرّتــه



ولا ورى غـــرّاة الاجـــواد فـــود ولا كــسـوب ... مــن سـعى بـالسوء سـيات كـسبه واجـرته



ويـــا مـــدوّر صـــرح الأمــجـاد لـلـعليا رغــوب ... اعــــرف إن الــرجـل دايـــم بـعـيـدة نـظـرتـه



انـحـر الـطـيب لـيـا سـاعـفت عــوج الــدروب ... وازرع الــمـعـروف والــطـيـب تـلـقـى ثـمـرتـه



واحسب إليوم(ن) يبين الشروق امن الغروب ... يــرعــب الــجـبـار هــولــه ويـنـهـي جـبـرتـه



وانـتـبـه لا مّـــارة الــسـوء لا تـصـبح غـلـوب ... مــــن اغـلـبـتـه يـــم درب الـمـهـالك جــرّتـه



وان حصل من بعض الأبواب عاصوف اوهبوب ... ســكّـر الأبـــواب والـــداب فـــارق شـجـرتـه



ولا يــغـرك كـــل مــن كــان خــوان و كــذوب ... وحــدك افـضل مـنه والـبعد يـسوى عـشرته



والـمـنـافـق لـــو تـسـتّـر بـزيـنـات الـسـلـوب ... مـــع طــويـل الــوقـت لا بـــد تــبـدا نـكـرتـه



والــردي مــا فـيـه نـخـوه ولا بــه ســد نـوب ... حـاضـر(ن) غـايـب غـيـابه يـسـاوي حـضـرته



والـخـتام أرجــي مـن احـسان غـفّار الـذنوب ... عــالـم(ن) مـــا بـالـضـماير خــفـاه وجـهـرتـه