الشاعر محمد سعدي الرشيدي

لاهنت يانسل الرجال السلاطين
ياللي لهم بالمجد رايه ورايه
عز الرجال مطوعين المعادين
في ذمتي صادق ولاهي حكايه
يكفيك ابن هادي عن الجيم والسين
وان قلت ابن ريفه تراها كفايه
والشيخ ابن شفلوت روس الميامين
موجود بالتاريخ ماهو دعــايه
الطيب يوم انه تبين من اثنين
من دون لاتكفى ولاهي وصايه
والله يبقي في خفوقي له سنين
يالين عرق الموت يبيح خفايه
مشكور ومجمل يانجم يالقحاطين
يالشاعر اللي حاكمٍ له ولايه
اللي مساكنها حروفً وقافين
وبيوتها ماتنحصى بالروايه
تسوقها سوق النياق المزايين
وتاسم عليها وسمتك بالبدايه
يامطلق النشمي خوي المصلين
اليا مدحتك ماتوفّي شفايه
لكن تعال بديرتي ياحمر العين
سير ولك سيف ً عطيب وعبايه
عن الرجال اللي علي العهد وافين
بني رشيد الي سماهم سمايه
اللي ليا زعلت تضد الثقالين
للإنس سكـينٍ ولبليـسِ آيه
نقرا عليها من تبارك وياسين
ونفوز فيها بالبدا والنهايه
وختامها مني عساهم قويين
وهذا هوا نفسي وهذا منايه
الشاعر / محمد سعدي الرشيدي