محاورة بين الشاعرين فوزي بن عوض وخالد القعبوبي

طاروق بين كلا من الشاعرين

1 - خالد بن منصور القعبوبي
2- فوزي بن عوض بن مربح

خالد منصور القعبوبي
مرحبا ياشاعرن صيته ملا شبه الجزيره =عد من صلا ومن زكى ومن صام ارمضاني
باحت الاوراق وانباحت صناديق السريره=وابتسم وجه الغضب حتى اعتلا سرج الحصاني


فوزي بن مربح
البقى يالشاعر اللي جاب من صافي ضميره=كل شاعر من جهوده له كيان وله مكاني
من يخلد عرف ياخالد على طول المسيره=لو يغيب اعن الورى يبغى يخلدها الزماني


خالد منصور القعبوبي
راعي السيف المحنى درهم البارح بعيره=والحقيقه ماعلى الدنيا ومن فيها ضماني
يابن مربح يا عسى في تالي الايام خيره=ياجملنا صك باب اهل الطوارئ والاماني


فوزي بن مربح
ياعسى فالامر خير وياعسى فالامر خيره=وين وجه وش علومه يا فلان ابن الفلاني
تعرف ان الحر يجزع والهدف عرف وبصيره=والله اعلم بالضروف اللي تحد المودماني


خالد منصور القعبوبي
من حفظ جيبه حمى نفسه من الناس الحقيره=ومن شرى الناس الحقيره يلبس ثياب الهواني
هامة الامجاد لاصحاب المواقيف الكبيره=تقلط الافعال في ساحة طليقين اليماني


فوزي بن مربح
فيه نظراتن بعيد وفيه نظراتن قصيره=وانت من روس الرجال اللي يعزون العواني
الاشده عند اهلها يوم الايام المريره =ماتغير لو يحاولها الزمان الشقلباني


خالد منصور القعبوبي
الحقيقه ماعليها غبار والدنيا مثيره =حق للموروث ورثه من زمانه لاولاني
الرحاه المستديره للنوايا المستديره=في ختام القاف صح الله لسانك مع لساني


فوزي بن مربح
المهم الطيب بين الناس موجودن عبيره=والحياه اجهاد والدنيا على اهلها امتحاني
جمل الله حالكم ياهل المواقيف الشهيره=فالليال المقبله باقن لكم موضوع ثاني