متطفات شعريه للشاعر/علي جبيلان المظيبري الرشيدي (شاعر الحكمه)

متطفات شعريه للشاعر/علي جبيلان المظيبري الرشيدي
(شاعر الحكمه)
( التقوى)

أوصيك بالتقوى ترى الدين راعيه
يكسب رضاء ربه وربه يثيبه
أوامره طعها وجنب نواهيه
والنفس والشيطان لاتقتديبه
من يتقي ربه على الخير يهديه
ويحميه من نارن شديدن لهيبه

( الصلاه)

خمس الفروض الله ومرنا نصليه
راس النجاه ورحمة الله قريبه
عمود دينك يافتى لاتخليه
لولا العمود البيت وش يبتنيبه

( الخوي)

أحشم خويك والردي لاتخاويه
شي ن يحط بسمعتك وش تبيبه
من خالط الاجرب على الحول يعديه
ابعد عزيبك لايوالي عزيبه
ارض الوباء يستابي الي حواليه
لو جاز لك نبته ومنظر شعيبه

( الوطن )
١
ياقبلة الاسلام في كل الاوطان
من ينكرك ينكر صحيح البخاري
ارض الرساله ياضعيفين الايمان
ماهي بضاعه بين بايع وشاري
في ظل سلمان الحزم وابن سلمان
تخضع لهم هامات الاعداء جباري

( صلة الرحم)

كان اتصالك بس في ساعة الضيق
ماهو بلازم تحتفظ بالاسامي
تراك ماتملك قلوب المخاليق
الا بوصل الرحم والاحترامي

( العمر)

العمر لو طال يقصر لين ياصل منتهاه
والبقايا الصالحات وكل شي ن ينجلي
كل مافكرت بالدنياء يضيع الاتجاه
مالك إلا ماتقدم للكريم المعتلي
الحظيظ الي لدرب الهدى ربه هداه
صفحته بيضاء وقلبه من عناء الدنيا خلي


( الكرامه)

ياصاحبي كلش يهون إلا الكرامه ماتهون
ماني سوات أمدورين اعراش في رؤس الظباء
القدر بصدور النشاما لاتحسبه بالصحون
والزاد ملحه فلة احجاجك وكلمة مرحبا
شم الجبال الشامخه يذري حجاها والركون
خل الغصون الي يلاعبها ذعاذيع الصبا

(القبيله)

سلام يارؤس الرجال العواريف
ياولاد مظبر تاج راسي وظلي
يالي وفاكم فاق كل التواصيف
سقت السلام وخاطري مسفهلي
اجبال ابان الشامخات المشاريف
ديرة بني مظبر عضيد المقلي
بني رشيد امفرقين المواليف
امجادهم بالنايف المستقلي
ريف الخوي ريف ن على الجار والضيف
اهل الجناب الي منه ماتملي

(القبيلة )

سلام الله على ربعي هل الوقفات واهل الجاه
هل الكفه امفرقة الولايف مزبن الجاني
من الحره ليا ابانات ربعي عز من ينخاه
صواريم الحرار الي ترجح كل ميزاني
مقابيس الوغى بني رشيد ومن دخل بحماه
عليه الله وامانه من دخل في بيت غطفاني
زمان الحرب حدوا خصمهم بمشوكن يصلاه
مواقفهم على وضح النقاء في سر واعلاني

( مكارم الاخلاق )

لاصار ماب الرجل يابدر ثنتين
الدين والاخلاق قل امحصوله
الوجه نوره في صفوف المصلين
الدين ساس المرجله والرجوله
ومكارم الاخلاق باللعسر واللين
فيهم عظيم الشان كلف رسوله
من خالف الدروب الهدى والقوانين
درب النجاه بعيد ماهو بحوله