معجزة زايد ابن عدله

المشاركة الأصلية كتبت بواسطة ابو فايح

ا=لبارحه حلمي عسى واقعه خير ==مثل السحاب اللي تقافا مخيله

ل= لاحت بروقه في خياله من اعصير == من خلقتي ماشفت برقً مثيله
ش= شمخ مقاديمه اسوات السواطير == سبحان من خلى امزونه ظليله
ا=ليا برق قامت تحن المزابير == واحريت ماها مير ماسال سيله
ع= عسعس عليه الليل واقفى محادير == عده رهاوي مير صافي صميله
ر= روح عليه من الجنوبي شخاتير == واقفى هبوب النود تطرق شليله
ز= زمه سرابً حال دونه مقادير == لين اتقى عن شوف عينً تخيله
ا=انشد وادور لي عطاشا على البير == واقول وين العلم بايى وسيله
ي= ياخذ منه عبره ودرسً وتفكير == قدام لايفرق خليلً خليله
د=دليل واضح مايبا عنه تفسير == مثل الزناد ان ناش خشم الفتيله
ع= عينً تراعي له بحشمه وتقدير == والعين الاخرى ودها بالفشيله
ا=اضحك واسولف له عن كليب والزير == واقول انا صاحبك راعي طويله
ت= تاهت احلومي بين شرحن وتصوير == واللي عرف واديه يعرف مسيله
ي= ياطير ابن برمان ماشفت لي طير == طيرن غدالي قبل تسعين ليله
ا= الشوف غره والحباري مخامير == واومي بملواحي ولاله عقيله
ل= لفه هواء الغربي بعج ومعاصير == واقفى وانا مالي بفرقاه حيله
ر= ربه عطاه من الوصايف نوادير == اهدف طويل ادقاق كفه جليله
ش= شفي ومقصودي معه ياعرب غير == لو ان حظي ماسرج فيه خيله
ي= ياليت من يذكر لي الطير بالخير== لا اصير انا مجنون والطير ليله
د= دقت عليه اهجوس صدري مزامير== والارض جردا والسماء مستطيله

ي= يالله حسن الخاتمه والتدابير== ياللي تعز النفس لو هي ذليله

اخوي الشاعر زايد عاتي الرشيدي اسمحلي بحل لغز القصيدة
وصح لسانك