جمرة عرب

[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
حنا سنام المجد عز السلاطين= احرار لاضاقت عليك اعتزينا
نرفع بيارك عبس لاحدود بكين=وناصل علو المجد لامن رقينا
وافين بالميدان وبسلم وافين=مضربنا واضح لامن كوينا
عبس العرب سم وسعوط المجانين=لاثار دخان المعارك سلاينا
نقدح زناد العز ولاطيب ضارين=ولاشاش راس العز يقلط حدينا
مانهضم حقوق الرجال العزيزين=ولاناخذ المسكين لامن عدينا
وقفتنا بين المواقف عناوين=يزها بها العبسي لامنا سرينا
خوينا قدره علي الراس والعين=يبشر بحلو اللسان لامن حكينا
ربعي لهم بالمجد عز وبراهين=احرار لامنا عفينا عفينا
ناردعلي هداج مثل الشياهين=وينساق فنجال المراجل علينا
بني رشيد اهل الوقار الكريمين=افعالنا تثبت لامنا رسينا
ماهو قصورٍ بالحرار المسمين=لاكن فوق العز طيبٍ بنينا
هذي صفات اهل القلوب الفطينين=وهذي عوايدنا لامنا وفينا
اضرب مثل والناس بالطيب دارين=انجومنا تثبت لامنا حمينا
يوم المعارك بينه بالميادين=سبع البيارك ثابته في يدينا
ماقولها ضايق ولاني مسيكين=ساس المراجل عزنا لافدينا
تاريخنا واضح ولافيه تخمين=مثل النهار اللي بنوره سعينا
هذي علومي لارجحن الموازين=خل القصايد تذكر اللي طرينا
واليوم اقدم في صفوف المصلين=وحسب حساب اللي بحكمه رضينا
عبد العزيز اللي رفع رايه الدين=وخلا القبايل هاديه وهتدينا
وختامها تزها بخير المحبين= الهاشمي اللي بنوره اقتدينا
[/poem]

صح الله لسانك يالشاعر عواد
قصيده جزله من شاعر جزل

صح الله لسانك أخوي عواد
قصيده جزله من شاعر جزل
بيض الله وجهك

بنـي رشيـد اهـل الوقـار الكريمـيـن=افـعـالـنـا تـثـبــت لامــنـــا رسـيــنــا

صح الله لسانك واعتلى شانك

تاريخـنـا واضــح ولافـيــه تخـمـيـن=مـثـل النـهـار الـلـي بـنـوره سعيـنـا

صح الله لسانك يالشاعر عواد
وبيض الله وجهك وبانتظار جديدك

صح لسانك أخوي عواد
يعطيك العافيه

بنـي رشيـد اهـل الوقـار الكريمـيـن=افـعـالـنـا تـثـبــت لامــنـــا رسـيــنــا


بيض الله وجهك على هالقصيدة الجزلة

صح للسانك ابوخالد تسلم وبيض الله وجهك على القصيد الجزل والابداع

بيض الله وجهك على هالقصيدة الجزلة

بانتظار جديدك

اشكركم من اعماق قلبي علي التفضل الي صفحتي المتواضعه

وعلي الكلام الجميل الذي اثلج صدري

لاهنتو جميع