قصايدةالشاعر الكويتي/ سالم علي العويمري

السلام عليكم ورحمة الله وبركاته
هذه قصايد الشاعر الكويتي /سالم علي فلاح العويمري
وهو شاعر جزل بالمعنى والحكمة
وارجو من شعار العوامرة تنزيل قصايد الشاعر سالم
وهذه قصايد من قصايدة وآمل أن تنال إعجابكم
قبل أمس
قبل أمـــــس عنـــــــدي لـــــزوم ولاحدن سده
أصيــــح وأطيـــــــــــح تقل أصْيح لحــــــالي
الوقت ماينــــــــــعرف مزحه ولا جــــــــــــده
ماتدري أيســــــار ولا الدرب طـــــــــــــوالي
اللي ماعمـــــــره جرى دمعة علــــــــى خده
ينقد على اللي بكـــــــــى من ضيقة البـــــالي
لكن من دنيته قشــــــرى ومســــــــــــــودة
يعرف وش المْر لكن يجــــــهل الحـــــــالي
اللي بقى صـــلحة والـلي خـــــــــــلص وده
ونا ننتظر لين حتى تقصـــــــــــــر العالي
وعلومك العام تفهمها عقـــــــــــــــب مده
يقوله اللي بوقته شــــاف الأهــــــــــــوالي
من مات بـ أرضن خـــــــلى لارحنبو جَدة
تقعد عليه الطيور تصــــــــــــــيح وتلالي
كلن يفصــــــــــــــــل له أثيـــابن على قده
ونا بفصل ثيابي قدي أشـــــــــــــــــوالي
وماراح من وقتنا روحــــــــــــــن بلا رده
لعلها ماتـــــــــــــــــــــــروح بواحداً غالي
ومن صد ماننشده عن سبتة الـــــــــصده
يبقى على صدته مهما الزمن طـــــــالي
أخذت سيفي وأخذت الرمـــــــح والعده
واللي عقب ثورة البركـــــــان زلزالي
واللحين زال الظـــــــلام وراحــت الشدة
يازين ضوء القمر وســـــط الخلى الخالي
والوقت لو عقب عشر ســـــــنين لابده
يفتر وتزين ولا تشــــين الأحـــــوالي
واللي ماحده زمانه يمكن يحــــــده
ون كان حدة علي أعطـــيته الصالي
بشد حيلي عســــــاي أقدر على شده
من يوم غنى لك الملعــــــون موالي
صرت بنحر هجمتن قشرى ومرتده
متدري تعْد والا تصد الأقــــــوالي
تبغى تصد الهدف لايدخــــــل القده
ويلقى لها المحترف تسعين مدخالي
علمن نعده وكلن غــــــيرنا يعده
ومن بعده يعــــده الأول على التــــالي
في وسطكم مابقى إلا ثوبـــي أقـــــده
أصيح وأنخى تقل ماحـــــــولي الوالي
وعودت أبي فزعة اللي كنــــت ماوده
وضحك علي كل عدوانـــــــي وعذالي
ماني ردي والردي دايم ونا ضــــــده
ماتكرهه تسمعه والحــــــــــــق ينقالي
لو جيت تنخى تخفض الصوت وتمده
لو جيت تنخى تخفض الصوت وتمده
تبشر بعز وذرى ولحاف وظــــــلالي
أهل العزايم تهز الضلع وتــــــــــهده
وأفعالهم يضربون الناس الأمـــــــثالي
ولكن ياذيب الخلى لد النـــــــظر لده
تراك تجهل خسارة روس الأمـــوالي
ويا بايع الطيـــــــب طيبك فايحن نده
ماشفت طيــــبك ونا في حال يرثالي

والقصيدة الثانية
الوقت همــي شــــــــــــــي من معجزاته
مدري وش أسبابـــة ولا دري وش ادواه
الصمت أبا فضح في كلامي اسكـــــاته
وادعس على جور الزمــن واتــــــحداه
ياقلب هات اللي بداخـــــــــــــلك هاته
واللي نسيته حاول إنك تطــــــــــــراه
عدلي شريط الماضي وذكريـــــــــاته
ماضي وحاضر كلبوها معــــــــــاناه
همٍ وغم وحزن ومضـــــــــــــاعفاته
ودهر ومعاوينه ومثله وشـــــــــرواه
حالي كماهو حال عــــود فوقه لحاته
وانا أحمدالله عود من فـــــوقه لحاه
الوقت يطعن من تحوشه رحــــاته
ولايفيد به حيله ولا يفـــــيد به جاه
ويمكن يزين الوقت في مقبــــلاته
والله يعوضنا عن اللي خســـرناه
عمر الشباب أقفـــى وزلت طراته
ولا معتقد باقي مـــثل مافـــــقدناه
وياكثر من ينـــدم على شـــي فاته
وياكثر من يندم على شــي سواه
وكم واحدٍ بيديه حطـــــــم حياته
حتى خسر ماله وديـــــنه ودنياه
من يشتري حصٍ عجيبه صفاته!!
أما يتعدى الخير ولا يتعـــــــــداه
رقود صعب تقعــــــــده من سباته
حطه ورح وأرجـــع بعد عام تلقاه
مافادني وقت الرخـــــا من رداته
وفي حزة الشدة يسوى بي ســواه

الوقت الضايع

أضيــــــع الوقـــت لين الوقت ضيعني
والنفس ملــــــت ونا مليت أطــــــــاوعها
العمر روح وباقي العـــــــمر وش يعني
والنفس مافيه آمل تتـــــرك طبــــــايعها
هموم قلبـــــــــي تشـــــــتتني وتجمعني
وعجزت أشتت هواجيسي وأجمـــــعها
دايم على أيامي السوداء ترجــــــــعني
وحسب أمرها أروح وإذا راحت أتبعها
من كنت أبو عشر والدنـــيا تـــــــلوعني
من هاك الأيام حتى اليوم أصـــارعها
أضحك أجامل لعل الضـــحك ينــفعني
وأحزاني بداخلي داخــــل مواقــــــــعها
ولافيه لعلاجها دافــــع يشجــــــــــعني
وحتى لو تروح ماراحـــــت مواجعها
دايم ونا ضيقتي بالصــــــدر توجعني
والابتسامه بلايا خلق أطلـــــــــــعها
وأخف الأحداث واهونــــها يروعني
والنفس حتى أتفه الاســباب يجزعها
وحضي ماهو مثل خلـــق الله يدلعني
يوم الاوادم لها حضوضٍ تدلــــعها