شمال ديرة رسول الله عليه السلام

شـمـال ديرةرسـول الله عليه الـسـلام



اليابدينا بخلاق البشر نستعين
الواحد اللي من المنشا يسوق الغمام

غافرذنوب العباد الركع الساجدين
اللي جعل خمسة الاركان منهاالصيام

ارجي منه رحمته واستغفره كل حين
يوم القيامه وساعات اللقاء والزحام

في ساعة هولها منه البشر شاخصين
يذهل عن الجاهل اللي ماكمل له فطام

ويامغربٍ من هجرلوتنتظر ساعتين
تحمل مراسيل مخلص صادقً بالكلام

سلم على الدار واللي برضها ساكنين
واحمل لها من صميم الراس كل احترام

دارً عليها نعوّد لونحتنا السنين
شمال ديرةرسول الله عليه السلام

من حدطيبه على الابيض إلى الشعبتين
ومن الثمديوم تشمل لين تصل الخطام

ومن وادي الجول لجبال الرقب من يمين
ماكف وادي الرمه لرياض قااع النعام

وجبال ابانات واللي دونهن واقفين
يوم المكايد ودخان الفشق والسهام

يازين هاك الشعاب اليانزلها القطين
ويازين في دوحها الناعم هديل الحمام

مدهال حم الشعاف مهجرسات الحنين
شيب الغوارب طويلات القراء والسنام

حم الذرااللي لك الكفه عليهن تبين
ومن دونهن يستباح السيف ضدالخصام

ان طش منها الجهام من الوطا للبطين
يبعد هموم الفؤاد اللي طواه الهيام

باارض بها الطيب واهل الطيب والطيبين
ماغادروها سلايل عبس نسل الكرام

بني رشيد اهل الطولات علمً يقين
سم المعادي لياوصلت لسل الحسام

قومً لياقامت الهيجا بقو صامدين
ان ادبر اللاش والهابي قليل الرحام

*لالولشن للملاقا خاضبات اليدين
واشتد هول القتال وكل زيزوم زام

يرقون صرح العلاغصبً على الحاقدين
الياتعلوضهور مطيرات العسام

كم وقفو من غزاةٍ وانكفو مفلسين
وكم صبحو دار قومً واقبلو بالجهام

وكم طوحو شيخ قوم ويتمو من جنين
بمصقلات السيوف اللي تقص العظام

وعلى سجاياالعروبه والشرف ثابتين
ومن الندم من يعاندهم يعض البهام

ونفوس الاحرارماترضاعلى كل شين
وعداتهم ماتوردهم عدود الليام

يرقون لطيبه لوهي ورى الفرقدين
ويرهون فيها ليامس الحقب والحزام

خويهم شيمته تبدا على الاقربين
يبقا خوي النشاما بشيمته مايضام

دخيلهم عن عدوه بالمكان الامين
وعدوهم يفقد الفرحه ولذ المنام

ريف الضيوف ان لفومن فرجتن مرهقين
ان ساقهم سيرصحصاح الوعروالعدام

يلقون زين القراء ومفطحات السمين
مع كيف هدف الدلال وفايق الاحترام

على محجة محمد خاتم المرسلين
*محجة الهادي اللي ماغشاها الظلام

ماخالفوهاعلى منهاجهامقتدين
يرجون يوم الوجاه ويطعمون الطعام

قولً على فعل مبنيً بقافً ثمين
من حاضرالعام هذاومامضى من الف عام

ولي الفخريوم امجد ربعي الغانمين
اهل النفوس العزيزه طيبين المقام

ولاهوقصورً بحق اهل الوفا السامعين
كم صيرمين ببحرالطيب للطيب عام

وصلو عددماوصل مكه من المسلمين
على النبي عد مايمطر صدوق الغمام


الشاعر/معيتق عبدالرحمن العويمري الرشيدي